Mütləq ZƏFƏR üçün 3 Ağır Müqavilə

Bu yazıda çox əhəmiyyətli üç müqavilədən danışacağam.

Bu müqavilələri başqa bir şəxslə deyil, özümüzlə bağlamalıyıq. Özümüzlə qarşı – qarşıya oturub razılığa gəlməliyik.

Bunu niyə etməliyik?

Lazımsız bir çox məşğuliyyətin enerjimizi, diqqətimizi, vaxtımızı işğal etməsinə icazə verməyib, ən vacib işlərə köklənmək (fokuslanmaq) və bunlar üzərində uzun müddətli icraata davam edə bilmək üçün.

Odur ki, qısa bir şəkildə izah edirəm.

Davamlı olaraq suallar alıram və verilən sualların çox böyük əksəriyyəti bu və bənzər şikayətləri əhatə edir.

“Motivasyam tez ölür, nə edim?”

“Özümə inamımı itirmişəm, nə etməliyəm?”

“Heç ümidim yoxdur, necə əvvəlki pozitivliklə və yenidən başlaya bilərəm?”

“Çox çətindir, alınmayacağından qorxuram, nə məsləhət görürsünüz?”

Bunlara bənzər suallar…

Əgər sizdə də bu suallar yaranır və bənzər axtarış içərisində olursunuzsa, o zaman təklif edəcəyim üç müqavilə sizin üçün çox faydalı olacaq. Ancaq bir şərtlə, bunu həqiqətən, lazımi şəkildə edəcəksiniz. Yəni, bunların nələr olduğunu öyrənməklə, anlamaqla kifayətlənməyib, ən əsas addımı atsanız – tətbiq etsəniz, İCRAATA keçirdəcəksiniz.

Aşağıda üç amansız reallıq sıralanıb. Bu reallıqları inkar etmək, dolayı yolla hədəfə getməyən bir yola yönəlib, o yolda addımlamağa davam etmək deməkdir. Bunun isə necə nəticə verəcəyini əminəm ki, anlayırsınız. Bu təhlükədən əmin olmaq üçün bu reallıqların qalibiyyət üçün tələb etdiyi müqavilələrin nələr olduğunu və bu müqavilələri kiminlə və necə bağlayacağımızı sizin üçün aşağıda paylaşdım.

Reallıq 1

Hədəfinizə çatmağınız düşündüyünüzdən, təxmin etdiyinizdən, hesabladığınızdan daha uzun bir müddətdə baş tutacaq. Yəni, daha çox vaxt sərf etməli olacaqsınız. Daha uzun müddət işləməli, mübarizə aparmalı, oxumalı, yazmalı, məşqlər etməli olacaqsınız.

Müqavilə 1

Bu mənim xoşuma gəlsə də, gəlməsə də, çox normaldır. Bunu çətin olsa da, qəbul edirəm. Səbrim tükənəndə, “artıq bitsin!” dediyim zaman daima bu müqaviləni xatırlayacağam. Mütləq bir az kənara çəkiləcəyəm, istirahət edəcəyəm, amma əsla əl çəkməyəcəyəm. Mütləq bu uzun, kəşflərlə dolu səyahətin bitdiyi nöqtəyə qədər gedəcəyəm. Yorulanda, bezəndə deyil, İSTƏDİYİM NƏTİCƏNİ ƏLDƏ ETDİYİM ZAMAN dayanacağam.

Reallıq 2

Bu gedəcəyiniz, təqib edəcəyiniz proses gözlədiyinizdən çox daha çətin, məşəqqətli və ağır olacaq.

Müqavilə 2

“Dəyərli heç bir şey asanlıqla əldə edilmir” universal qaydasını, qanununu, prinsipini daima özümə xatırladacağam. Alacağım ağır zərbələr məni “knockout” edəndə belə qalxıb davam edəcəyəm. Ümidim itə bilər, özümə inamım yox ola bilər, amma bir şey əsla olmayacaq – ƏL ÇƏKMƏK, TƏRK ETMƏK. Kiçik, çox kiçik addımlarla olsa belə, yoluma və hədəfimə doğru davam edəcəyəm. Məşəqqətlər sadəcə xəyallarımın EVERESTİNƏ zəfər bayrağımı sancmaq üçün deyil, həm də mənim zincirlərimi bir-bir qoparıb ən ideal özümü, ən yaxşı versiyamı kəşf etmək, buna çatmaq üçün ən vacib, ən zəruri və eyni zamanda ən amansız görünən, amma eyni zamanda mənim üçün ən dəyərli hədiyyələrdir.

Problemlər, böhranlar, çox çətin anlar, nəticə verməyən uzun günlər çox təbiidir və mən bu reallığı danacaq, bundan qorxacaq ya da şikayətlənəcək qədər zəif deyiləm. Bu ÇAĞIRIŞI, “CHALLENGE”İ qəbul edirəm və bütün bunların tam içərisindən addımlayıb, aldığım yaralara, zərbələrə baxmayaraq, hədəfimə doğru davam edəcəyəm.

Reallıq 3

Sizə əsl kömək olacaq və ZƏFƏRƏ aparacaq olan şey kənar faktorlardan – motivasya edici kitablar, təlimlər, kurslar, videolar, audiolar – deyil, Allahın sizə verdiklərini nə qədər və hansı dərəcədə istifadə etdəcəyinizdən asılıdır.

Müqavilə 3

Motivasiya edici bütün vasitələrə – təlimçi, kouç, kitab, video, audio, kurslar və s. – əsla və əsla əsas təkanverici güc, qurtarıcı, çıxış, xilas, həll yolum, əsas vasitəm olaraq baxmayacaq, daima öz gücümə müraciət edəcəyəm. Çünki bilirəm ki, mən hələ sərhədlərini özümün də bilmədiyim qədər GÜCLÜYƏM.

Qeyd 1: ƏL ÇƏKMƏMƏK… Bu, çox güclü səslənir və çox ruhlandırıcıdır. Bu, hər insana və bu insanın üzərində işlədiyi hədəfə, layihəyə görə dəyişir. Buna görə də burda bu qeydi yazmaq və sizlərlə paylaşmaq qərarı verdim. Üzərində işlədiyimiz hər layihənin “mütləq axırına kimi gedəcəyik” deyə bir yanaşma doğru olmaz. Bu, gördüyümüz işin əhəmiyyətinə və digər bir çox kənar faktorlara görə dəyişir. Buna artıq siz özünüz qərar verəcəksiniz.

Qeyd 2: İkinci qeyd isə ən son reallıqla əlaqəlidir. Burada demək istədiyim əsla o deyil ki, “ruhlandırıcı, motivasya edici materiallardan və vasitələrdən uzaq durun!”. Bunlardan mütləq istifadə edəcəyik, amma bunlar bizim etməli olduğumuz işləri edib-etməmək üçün bir əsas səbəb olmamalıdır. Yəni, bunlar olsa da, olmasa da, biz İCRAATAFƏALİYYƏTƏ davam edəcəyik, amma bunlara da bir növ bəsləyici amillər olaraq qəbul edib vaxt ayıracağıq.


Bənzər Yazılar:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s