Niyə İnternetsiz və Sosial Media Hesablarsız Yaşayıram (2)

İlk olaraq bunu deyim ki, bu tərz yaşamaq çox xoşuma gəldi, çox bəyəndim.

Amma bu, asan deyil, hələ ilk günlər çox narahatedicidir. Çünki bir anda sizə yenilik, maraq, həyacan verən telefonunuz yorucu bir alətə çevrilir. Çünki artıq heç bir sosial media hesabınızdakı aktivliyi hiss etmir, sizə xəbər verən o adrenalin püskürdən səsləri eşitmirsiniz.

Bir aylıq təcrübəni bir yazıda tamamilə, bütün detalları ilə izah etmək çətindir, amma ən vacib bildiklərimi qısa bir şəkildə anlatmağa çalışacağam. Başlayaq…

Növbədə gözləyərkən, evdə yorğun olduğunuz zaman, əhvalınızın yaxşı olmadığı anlarda, heç bir işlə məşğul olmayanda, hər hansısa bir səbəbdən boş vaxt yarananda və heç bir işlə məşğul olmadığınız vaxt, metro və ya avtobusla yol gedərkən və bənzər vəziyyətlərdə etdiyiniz, yeni normalınız olmuş, diqqətinizi çəkən və sizi əyləndirərək zamanınızı alan bir məşğuliyyətiniz var.

Yəni…

Bu hallarda edə biləcəyimiz ən əyləncəli, maraqlı, həyacanlı şey telefonumuzu alıb onunla dünyaya bağlanmaqdır. Yəni sosial media hesablarımızı yoxlamaq və bizə vaxtın necə keçdiyini unutduracaq yeni postlar, şəkillər, videolar və fərqli xəbərlərlə zehnimizi əyləndirməkdir.

İndi qısa bir hesablama edin, sırf bu məşğuliyyətlərə gündə neçə dəqiqə vaxt ayırırsınız və hesablayın bu bir ayda nə qədər vaxtınızı alır? Biz hesablamamızı nəyə görə edirik? Yəni misal üçün, bizə növbədə gözləyərkən 5-10 dəqiqə, hər gün qatarda, avtobusda 30-40 dəqiqə bu məşğuliyyətlərə sərf etmək çox da böyük bir hesab kimi görünmür. Bunu indi bir də bir ayla hesablayın, daha sonra 12 ayla, daha sonra çox yox, sadəcə 5 il üçün.

İndi isə öyrənməyi ən çox istədiyiniz, ustalaşmaq, mütəxəssisi olmaq isdədiyiniz o sahədə artıq özünü təsdiqləmiş insanların o səviyyəyə gəlmək üçün nə qədər vaxt sərf etdikilərini düşünün. Bundan sonra görəcəksiniz ki, siz vaxtınız azdır deyə deyil, diqqətinizi başqa yerlərə istiqamətləndirmisiniz deyə irəliləyiş edə bilmirsiniz. Həyattınızda müsbət bir dəyişiklik müşahidə edə bilmirsiniz (bu, həm də o demək də deyil ki, bu insanların heç biri bu yeniliklərdən istifadə etmirlər. Əhəmiyyətli olan necə və niyə istifadə etdikləri və nə qədər istifadə etdikləridir).

Son bir hesablama daha edin, əgər bu cür davam etsəniz, 5 il sonra bu sosial media hesablarınız sizə nələr verəcək? Yəni sizi necə bir peşəkar və şəxsi həyat gözləyir?

Dəyişib bunun tam əksi bir tərzdə davam etsəniz və zehninizi davamlı olaraq ən vacib işlərinizlə məşğul etsəniz və o hədəfləriniz üzərində çalışsanız 5 il sonra həyatınız peşəkar və şəxsi olaraq necə fərqli olacaq?

Əvvəlki yazıda da vurğuladığım kimi bir daha demək istəyirəm ki, mən bununla hər kəs telefonundan sosial media hesablarını silməli, evdə WiFi-ı bağlatdırmalıdır, yoxsa uğurlu olmayacaq demirəm. Bu hər kəsin işi və gələcək planları ilə birbaşa əlaqəlidir. Bunun üçün də siz də necə bu hesabları işlədəciyinizlə bağlı qərarı özünüz dürüst və səmimi sorğulama və analizdən sonra verəcəksiniz.

Növbəti yazıda bu sosial media hesablarımızın və asanlıqla internetə çıxışımız olmasının peşəkar inkişafımız baxımından nə qədər zərərli olduğunu daha dərin bir şəkildə analiz edəcəyik. Növbəti yazı xüsusilə o insanlar üçün maraqlı və faydalı olacaq ki, onların hədəfləri onlardan ciddi köklənmə/fokuslanma, dərin konsantrasiya tələb edir. Onlar NADİR olmağı hədəfləyiblər, hər kəs kimi deyil. Bunu da digərlərindən üstün olmaq üçün deyil, bunu bacaracaqlarına inandıqları üçün edirlər.

EDƏCƏKLƏRİMİZ:

  1. Təxmini hesablayırıq, telefonumuzda sosial media hesablarımızı yoxlamağa gündə nə qədər vaxtımızı sərf edirik  ?
  2. Bu məşğuliyyət bizə nələr verir, peşəkar və şəxsi həyatımız baxımından nə qədər faydalıdır ?
  3. Nə etməyə qərar veririk və bundan sonra bu hesablarımızı necə istifadə edəcəyik? Bu app-ləri telefonumuzda yenə saxlayacağıqmı, saxlayacağıqsa, hər gün maksimum neçə dəqiqə ayıracağıq və ən əsası bu müddət ərzində nə edəcəyik?




Bənzər Yazılar:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s