S. Jobs Bu Tövsiyəni NIKE CEO-su Mark Parkerə Deyil, Sizə Versəydi, Nəyə “YOX” Deyərdiniz?

Mark Parker NIKE şirkətində CEO olaraq yeni işə başladığı günlərdə Steve Jobs-a (Stiv Cobs) zəng vurub yeni vəzifəsində uğurlu olmasına kömək edəcək hansı məsləhətləri verə biləcəyini soruşur. Steve Jobs ilk olaraq Marka heç bir məsləhətə ehtiyyacı olmadığını və yeni vəzifəsində böyük uğurlara imza atacağına inandığını deyir. Amma bir az sonra Steve Jobs sözünə davam edir:

— Əslində demək istədiyim bir məsələ var. NIKE-ın çox əla məhsulları var. Bu sahədə dünyadakı ən mükəmməl məhsullar sizə aiddir. Amma eyni zamanda çox bərbad məhsullarınız da var. Bu bərbad məhsulları yox et və diqqətini sadəcə əla olan məhsullarınıza ver (fokuslaş/köklən).

Steve Jobs Apple şirkətinin uğurunu da bənzər bir cavab ilə izah etmişdi. Yəni, ondan uğurun sirrini soruşduqları zaman Jobs belə cavab vermişdi:

Biz üzərində işlədiyimiz layihələrdən, məhsullardan daha çox “YOX” dediyimiz layihələr və məhsullara görə öyünür, fəxr edirik. Uğurumuzun sirri də budur.

İndi çox məşğulsunuzsa, etmək istədiyiniz işlər üçün vaxt tapa bilmirsinizsə, o zaman oturun düşünün. Təsəvvür edin ki, cənab Jobs bu məsləhəti sizə  vermişdi. O zaman nələri artıq ləğv edərdiniz? Hansı layihələri dayandırardınız? Nələrə artıq vaxtınızı ayırmaz və “YOX” deyərdiniz?

Bəlkə də daha əhəmiyyətli olanı – intensiv olaraq üzərində fokuslaşacağınız (bütün diqqətinizi verəcəyiniz) nə olardı?

Bu elə bir layihə olmalıdır ki, onu reallaşdırdığınız an həyatınızda sadəcə az fərqlə müsbət dəyişiklik görməyəcəksiniz, satışlar bir az daha yaxşı olmayacaq, gəlirlər bir az daha artmayacaq. Bunu başlasanız və bitirsəniz, nəticəsi gözqamaşdırıcı olacaq. Həyatınızda uzun müddət təsiri qalacaq. Sizi onunla tanıyacaqlar. Siz bu sahədə bir “ƏN” olacaqsınız.

Yəni o sahədən, məhsuldan, xidmətdən söhbət açıldığı anda hərkəsin ağlına paralel olaraq sizin adınız gələcək. Bir növü o sahənin sinonimi olacaqsınız.

Burada əhəmiyyətli olan başqa mühüm bir nüans da odur ki, əslində nüfuzlu universitetlərdən məzun olmaya bilərsiniz, çox əla iş təcrübəniz, əlaqələriniz olmaya bilər. Amma bunlar əslində problem deyil. Məsələ bizim intensiv, disiplinli və çox az sayda hədəflər üzərində fokuslaşmamağımızdır. Eyni anda bir çox layihə üzərində işləyir olmağımızdır.

Düşün və indi qərar ver: Məşğul olduğun, vaxtını ayırdığın, uğrunda zəhmət çəkib, əmək sərf etdiyin hansı bərbad layihələri ləğv etməli, nələrə artıq “yox” deməli və bütün gücünlə nələr üzərində işləməyə başlamalı və tamamlayana qədər də davam etməlisən?

Hansı işin, sahənin, məhsulun Apple-ı və ya Nike-ı olacaqsan?


Qeyd. Bu bloqu izləyənlər üçün bir sürpriz hazırladım. Bir növ həm oxuyub özünü inkişafda maraqlı olduğunuz üçün sizi təbrik etmək məqsədilə, həm də bloqu izlədiyiniz üçün təşəkkür etmək məqsədi ilə. Sürprizi də yazının ən sonunda açıqlayıram, çünki sadəcə sona qədər oxuyanların faydalanmasını istədim. 

Sürpriz budur:

Sizə “Elit Məhsuldarlıq” fərdi kouçinq proqramında endirimli olaraq iştirak etmək imkanını verirəm. Maraqlanırsınıza, e-mail yazmaqla bildirə bilərsiniz və sizə e-mail gəldikdən sonra daha ətraflı məlumat alacaqsınız.

email: valiyevcoachinglobal@gmail.com

Qeyd 2. Bu məlumatı başqa yerlərdə və şəxslərlə paylaşmamağınızı xaiş edirəm. Çünki layihə sadəcə bloqun izləyiciləri üçündür.


Bənzər Yazılar:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s