Dünyanı Dəyişdirmək və Milyarder Olmaq İstəyən Sahibkarlara İki Sual

Suallar tarixdə ən uğurlu texnologiya investorlarından biri olan Piter Tildən (Peter Thiel) olacaq.

Piter Til həm bakalavr, həm də magistr təhsilini Stenford Universitetində (Stanford University) alıb. Facebook-un ilk kənar investorlarındandır, həm də Paypal-ın təsisçilərindən biridir. Uğurları, aldığı mükafatlar haqqında çox yazmaq istəmirəm. İnternetdə bu barədə istənilən qədər məlumat var.

Fərqli, qeyri-ənənəvi fikirləri və yanaşmaları ilə tanınmış Tilin mənim də özümdən soruşub hələ cavab tapa bilmədiyim məşhur iki sualını bu yazıda sizinlə paylaşmaq istəyirəm:

  1. 10 ilə çatmaq istədiyin hədəfi niyə növbəti 6 ayda reallaşdırmağı düşünmürsən?

Bu suala cavab vermək bütün uzun müddətli hədəflərimizə qısa müddətdə çatmaq və ya bunun yolunu tapmaq demək deyil. Sadəcə bu yolla hədəfə çatmaq üçün bizə doğrudan da 10 il tələb olunub olunmadığını müəyyən edirik. Biz təyin edirik ki, bu həqiqətən də hədəfdir, yoxsa bizim özümüzə təkrarladığımız bir xülya.

  1. “Mənə səninlə demək olar ki, heç kəsin razılaşmadığı bir şey (bir həqiqət) deyə bilərsən?”

Bu sualın başqa bir versiyası belədir: Hazırda heç kimin başlamadığı, sənin başlayacağın və uğurlu olacağın halda hansısa sahədə inqilabi dəyişikliklər edəcək, sənə milyardlar qazandıracaq hansı biznes var?

Piter bütün nəhəng şirkətlərin sirləri olduğunu və yaxud hansısa sirri taparaq uğur əldə etdiklərini deyir. Özümüzdən soruşsaq, bu sual zehnimizi müxtəlif təmayüllərin, bunlarla bağlı şişirdilmiş xəbərlərin, söhbətlərin hipnozundan, tilsimindən təmizləməyə və ya zehnimizi belə təsirlərdən qorumağa kömək edir, bizi orijinal olmağa, təkrarsızlığımıza qayıtmağa, məsələlərə, planlarımıza və ətrafda baş verənlərə oradan baxmağa vadar edir. Piterin təbiri ilə desək, biz böyük şirkətlər kimi hansısa bir sirri və ya sirləri açıb, müvafiq sahədə inqilab etmiş, dünyanın nəhəng bizneslərindən birini qurmağa aparan yola qədəm qoymuş oluruq.

Bu iki suala cavab axtarmaqla həm də Henri Fordun dediyi kimi çox az sayda insanın etdiyini – o çətin işi – etmiş olacağıq, yəni məqsədli şəkildə düşünəcəyik.

“Düşünmək dünyanın ən çətin işlərindən biridir: hər halda buna görədir ki, çox az sayda adam bunu edir.” (Henri Ford)

İndi bu iki çətin sualı özünüzə verin və cavablandırın! Bu, asan görünə bilər, amma cəsarət lazımdır ki, bu sualı soruşub üzərində düşünəsən və cavab tapmağa çalışasan.

Əgər sadəcə ətrafdakıları təkrarlayaraq hamının məşğul olduğu işlərdən birinə başlayıb sadəcə pul qazanmaq üçün vaxt sərf etmək (bunun heç bir ziyanı yoxdur, orijinallığımızı yoxlamağımıza da mane olmamalıdır)  istəmirsinizsə, çətin olsa da, bu suallara vaxt ayırmalısınız.

Bu gün təsəvvür belə edə bilmədiyiniz yerlərdə olmaq, kiçik yox, çox böyük bir ehtimalla mümkündür…

Bunun üçün özünüzə verdiyiniz bəsit, lazımsız, neqativ suallardansa, fikrimcə bu çətin suallara vaxt ayırmaq daha ağıllı, daha məntiqli bir seçim olardı…

Uğurlar!


Bənzər Yazılar:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s