400 İldir Həll Edilə Bilməyən Teoremin Cavabını Tapan Oxfordlu Professor Uğurun Sirrini Açıqlayır (II)

Bir dəqiqə, bəlkə də bütün bunların hamısı ilə razısınız, amma sadəcə sizin bir probleminiz var:

  1. doğuşdan fərqlisiniz;
  2. qavrama, anlama;
  3. diqqət dağınıqlığı probleminiz var;
  4. hətta məktəb illərində də digər uşaqlardan daha zəif idiniz.

O zaman sizə Oxfordlu professordan bir xəbərim var. 

Riyaziyyat adətən ən çox qorxulan, ən çətin sahə  olaraq qəbul edilib, həm də demək olar ki, bütün dünyada. Bu sahədə uğurlu olan insanların doğuşdan buna uyğun dünyaya gəldiklərini, beyinlərinin fərqli işlədiyini düşünən, buna inanan milyonlarla insan var. 

Gəlin görək professor bu mövzuda nə deyir və bəlkə bundan sonra dərsimizi alaq, yolumuza fərqli bir baxışla davam edək. 

“İnsanlarda riyaziyyat elmi haqqında çox yayılmış qərəzli bir düşüncə, bir inanc var. İnsanların doğuşdan, dünyaya gəldiklərində riyaziyyat sahəsində uğurlu olacaq və ya uğursuz olacaq şəklində qruplaşdıqlarına inanırlar. Yəni insan ya yaxşı riyaziyyatçı olaraq doğulur, ya da yox.  Amma bu doğru deyil. Biz – bütün riyaziyyatçılar üçün bu sahə çətindir. Biz digərlərindən fərqli olaraq qarşımızdakı riyaziyyat məsələləri, teoremləri, problemləri üzərində işləyərkən daha az mübarizə aparırırq deyə bir şey yoxdur. Sadəcə olaraq biz bu mübarizəni idarə edə bilirik. Biz bu mübarizələrlə daha geniş miqyasda məşğul olmağı bacarırıq və buna hazırıq. Biz bu keçmiş illər ərzində özümüzdə lazımlı qətiyyəti çətinliklə də olsa, formalaşdırmışıq.”

Daha çox uzatmayacağam. Yəqin ki, professorun bu son dedikləri bir çox sualımıza əla cavabdır. 

Bunu deyən kimdir? Bəli, hal-hazırda  sahəsinin ƏN-lərindən, liderlerərindən biri olan Oxfordlu professor, yəni hansısa sadə bir insan deyil. Buna görə də hər halda dedikləri üzərində düşünməyə dəyər. “Mütləq qəbul edin, razılaşın!” demirəm. Sadəcə düşünün. 

Nəyi düşünməliyik?

Etmək istədiyimiz, reallaşdırmaq istədiyimiz nədir, nələrdir və bunları niyə hələ də edə bilməmişik? Yəni, bu suala verəcəyimiz cavablar arasında yuxarıda vurğuladığım səbəblər və ya onlara bənzər şeylər deyiriksə, o zaman özümüzü bir daha sorğulayaq.

Sahəsində qalxa biləcəyi ən yüksək zirvəyə çıxmış bir insan, həm də ən çətin sahələrdən biri olan bu sahədəki uğurunu qeyri-adi, doğuşdan verilmiş bacarıqlara, istedadlara deyil, birbaşa zəhmətə, əməyə, disiplinə bağlayır, bununla əlaqələndirir.

İndi sən sadəcə qonşudakı hansısa dayının, xalanın, ya da hansısa qohumun “bu sənlik deyil, bacarmazsan”, ya da özünün “mən bu cür çətin işlərin öhdəsindən gələ bilmərəm” kimi bənzər səthi bəhanələrəmi inanacaqsan, yoxsa çətin, amma doğru olan yolumu seçəcəksən?

Bu yazıda əsas mesaj o deyil ki, bütün sahələrdə eyni səviyyədə uğur qazanmağımız mümkündür. Əksinə, əgər çox istəyiriksə və cəhd etməyimizə baxmayaraq alınmayıbsa, bu o demək deyil ki, bu iş bizlik deyil, biz bu iş üçün doğulmamışıq və s.  Ya yanlış metodlar, strategiyalar tətbiq etmişik, ya da hələ kifayət qədər əmək sərf etməmişik.

Gələcəyimizi həsr edəcəyimiz sahəni doğru seçmək həddən ziyadə vacibdir, bundan da əhəmiyyətli olan kənardan bizə məsləhət verən insanların və özümüzün məhdudlaşdırıcı tövsiyələrinə qarşı zehni müqavimət sistemimizi güclü bir şəkildə bəsləyib saxlamaq, daha da qüvvətləndirməkdir.

Ümid edirəm ki, burada yazılanları hər xatırladığınızda zehninizdəki mükəmməl sizin yetişdiyi o qalanın müdafiəsini daha da möhkəmləndirmiş olacaqsınız.

Hələlik…


Bənzər Yazılar:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s