İradə Gücünü Artırmağın Strategiyaları I

Əvvəlki yazıda İradəmizi gücləndirməyin, daha güclü iradə sahibi olmağın və özümüzə verdiyimiz sözləri tutub, standartlarımıza uyğun həyatın yollarından ən önəmlisinin ÖZÜNƏ İNAM olmadığı fikrini sizinlə paylaşmışdım.

İlk olaraq bunu bilidrim ki, özünə inam yanaşmasının əleyinə deyiləm, ya də əhəmiyyətsiz olduğunu demirəm. Sadəcə yetərsizdir. Bütün situasiyalarda ən doğru yanaşma deyil. Hətta, bəzən məhz tək səbəbidir uğursuzluqlarımızın. Bunun niyəsini yazılarda bir-bir paylaşacağam və siz də daha yaxşı anlayacaqsınız.

Əvvəlki yazıda sərkərdə kimi STRATEGİYA başlayaq, işləyək və bu cür də davam edək demişdim.

Niyə strategiya? Nəyə görə bu yanaşma?

Çünki İRADƏ, İRADƏ GÜCÜ limitsiz deyil. Yəni, işləndikcə, istifadə edildkcə zəifləyir. Nə qədər çox istifadə edilərsə, növbəti iradə gücü tələb edən situasiyalarda biraz daha az resursla mübarizə aparmalı oluruq. Bu bir az qarışıqlıq yarada bilər zehnimizdə, amma azca səbirli olun, oxumağa davam edin, açıqlayıram.
Yəni, iradə gücümüz əzələ kimidir. İdman zalına gedib ard-arda fərqli ağırlıqlarla işlədikcə yorulduğumuz kimi iradə gücümüz də yorulur, zəifləyir. Amma davamlı, strateji, şüurlu, niyyətli olaraq iradəmizi çətinə saldıqca, limitlərinə doğru itələdikcə və çətinliklərlə test etdikcə də güclənir.

Məhz bunun üçün də çox diqqətli olmalıyıq. Xüsusilə də, ilk başlarda, ilk testlərimizdə,ilk pəhrizlərimizdə. Maksimum strateji olmalıyıq ki, iradə gücümüzü yoran nə varsa mümkün qədər ətrafımızdan təmizləyək ki, onlarla mübarizə aparmaq ehtiyacı belə qalmasın.

Misal üçün, əgər siz qərar verimisinizsə ki, a) həftədə iki-üç dəfə idmanla məşğul olacaqsınız, b) artıq zərərəli olduğunu bildiyiniz içkiləri tamamilə çıxaracaqsınız həyatınızdan, c) internetdə vaxtınızı israf etməyəcəksiniz, d) sahənizdəki o beynəlxalq dərəcəli sertifikatı almaq üçün oturub imtahana hazırlaşacaqsınız, e) ofisdə daha məhsuldar olacaqsınız…
Bu isə yeni bir həyat tərzi deməkdir.
Təsəvvür edin:
1. İşdən gəldiniz, yorğunsunuz, xatırladnız ki, zala getməlisiniz bu gün. Bunu etmək üçün iradə lazımdırmı?
2. Sabah ofisdə daha da məhsuldar olmaq üçün bu günü gözdən keçirib sabahı planlaşdırmaq lazımdırmı? Bəli. Həm də zaldan gəldikdən, o yorğunluqdan sonra.
3. Ahh, hələ o sertifikat üçün hazırlaşmaq var. Gününüzü dəyərləndirdiniz, sabah üçün planlar da qurdunuz, şam yeməyi də yediniz (şam yeməyində də, sağlam qidalanacaqdınız, unutmayın!). İndi bu qədər işdən sonra oturub o çətin materialları oxumaq, testləri etmək üçün disiplinli, intizamlı olmaq lazımdırmı?
4. Gecə internetdə sosial media hesabları, xəbər və magazin saytları, Youtube-dakı maraqlı videolar, inbox-unuzdakı mesajlar hamısı yadınıza düşəcək. Bunların hər birinə sırf erkən yatmaq və sabah dinc, istirahət etmiş olaraq oyanmaq xatirinə “YOX!” deyib yatmaq üçün iradə lazımdırmı?
5. Sabah oyandınız, geyim, səhər yeməyi, evdən vaxtında çıxıb işə gecikməmək, bütün bunları etmək üçün iradə lazımdırmı?
Bu suallarla mən sadəcə normal bir günü təsəvvür etməyə çalışdım və əminəm sizə də yad deyil.

Bəli bütün bunları etmək üçün bizə iradə lazımdır. Amma indi düşünün, siz sağlam qidalanacağam dediniz lakin, hələ də soyuducuda Coca-Cola var. Misal üçün, bundan sonra daha az şokolad yeyəcəyinizi demisiniz, amma soyuducuda şokolad da var.

Siz bu yuxarıdakı işləri edərkən bir anda susadınız və getdiniz mətbəxə, soyuducunu açdıqda Coca-Cola oradan təbəssüm edəcəkmi sizə, hələ şokolad dad reseptorlarınıza və mədənizə siqnallar göndərəcəkmi? Bəli. İndi bütün o işlər bir yana, siz bir də buna “YOX!” deyəcək iradəni özünüzdə tapmalısınız. Gəlin qəbul edək ki, bu an o içəcəyə və qidaya “YOX!” heç demək də isdəmirik. Nəyə görə? Çünki artıq “YOX!” demə bacarığımız yorulubdur, sabah oyanandan günün sonuna qədər istifadə etmişik. Üstəlik biz o içəcəyi və ya qidanı çox sevirik. Vərdiş etmişik illərdir. Hələ bu yorğun, stresli günün sonunda dərman kimi gəlir deyilmi?! Bunun üçün də “YOX!” deyə bilmirik. Bugün artıq son sabahdan başlayaraq içməyəcəyəm, yeməyəcəyəm və sair deyirik və əlimiz ahənglə uzanır və artıq məğlub olduq, həzz ala-ala həm də.

Bunu etdikdən bir müddət sonra nə olur? Özümüzü günahkar hiss edirik, artıq alınmayacağına inanırıq və bir neçə cəhdən sonra da qəbul edirik ki, yox, məndə alınmır, mənim iradəm zəifdir, iradəm yoxdur, iradəsiz insanam.Çox uzatmayacağam, mövzu daha ətraflı izah tələb etsə də. Qısası, bütün bunlarla nəyi demək isdəyirəm? İradə gücününü limitli olması ilə nə əlaqəsi var bu yuxarıdakıların?

Ofisdə daha məhsuldar olmaq, hazırlaşıb o beynəlxalq dərəcəli sertifikatı almaq, idmanla məşğul olmaq, sağlam qidalanmaq, bütün bunlar mütləq mübarizə aparmağa dəyər hədəflərdir. Biz bunlarla mübarizə apardıqca gün ərzində get-gedə iradəmiz zəifləyir. Yəni, hər növbəti bizi hədəfdən yayındıran əngələ iradə gücümüzün endirdiyi zərbə əvvəlkilərdən bir az daha zəif olur. Yaxud, bu zərbələri endirmə ehtimalı azalır.
Amma burada çox incə bir nüans var: hər gün bu mübarizəyə davam etdikcə və hədəflərimizə doğru irəlilədikcə iradəmiz güclənir. Daha güclü iradə sahibi oluruq.

İradənin zəifləməsi əsasən günlə əlaqəlidir. Yəni, bir istirahət etdikdən, yatdıqdan sonra növbəti gün zəifləmiş deyil, güclənmiş iradəylə başlayırıq günə.

İkinci olaraq, Coca-Cola və şokolad misallarına aydınlıq gətirim. Siz bu kimi əngəllərlə mübarizəni nə qədər çox aparsanız, o qədər iradə gücü resurslarınızı sərf etmiş, tükətmiş olursunuz. Bir az əvvəlki yazdığım vacib hədəflər üçün daha az resurslarınız qalmış olur. Bu da o hədəfləri başlama, bitirmə sürətinizi azaldır, bəzən də, hətta, tamamlamadan qalır və illərcə gözləyir.

Bunun üçün də o qədim atalar sözümüzü (Gözdən iraq olan, könüldən də uzaq olar) həyatımıza tədbiq edəcəyik ki, hər əngəl üçün iradə gücümüzdən istifadə etmək ehtiyacımız olmasın. Yəni, hansısa içkini və ya qidanı artıq qəbul etməyəcəyinizə dair özünüzə söz vermisinizsə, edəcəyiniz ən strateji seçim onları evinizdən, ofisinizdən, ətrafınızdan uzaqlaşdırmaqdır.
İnternetdə mənasız yerə vaxt sərf etməyəcəyəm deyirsinizsə, telefonla oynamayacağam deyirsinizsə, ən ağıllı olan işləməyə başladığınız anda söndürməkdir telefonu.
Yəni, İradə gücünüzü hər mənasız, lazımsız, əhəmiyyətsiz şey üçün sərf etməyin.

DƏRHAL EDƏ BİLƏCƏKLƏRİMİZ:

1. Əgər daha iradəli olmaq istəyirsinizsə, ilk öncə həyatınızın auditini edin və baxın nələri gözünüzdən uzaq edə bilərsiniz ki, könlünüzdən də, iraq olsun.
2. Bunu davamlı etməyə elə indi qərar verin. Çünki sadəcə bir dəfə etməklə həll olacaq bir problem deyil.
3. Ən vacib hədəflərinizi, layihələrinizi mərkəzə qoyun və iradənizi məhz bunlar üçün istifadə etməyə başlayın.

2016-nin öyrətdiyi 21 dərs.

 

1. PLANSIZ OLMA. PLANSIZ YAŞAMA.
Günlərini Plansız yaşayaraq, xəyallarını yaşayacağın bir sabaha oyanmaq hardasa imkansızdır.

2. ƏSAS OLAN DAVAMİYYƏT, MÜNTƏZƏMLİK, ARDICILLIQDIR,
Bir gün, bir həftə etdiklərin deyil, davamlı, uzunmüddətli, təkrar-təkrar etdiklərin təyin edəcək alacağın mükafatın həcmini, keyfiyyətini, davamlılığını.

3. MOTİVASYA VƏ ÖZGÜVƏN QƏDƏRİNDƏ YAXŞIDIR. ABARTMA!
Başlamaq üçün özünə inanmağı gözləmə.Motivasya və həvəsi də, həmçinin.
Başla! Həm də, İndi!

4. ÖZ KİTABINI OXU. MÜTLƏQ!
Dünyadakı ən dəyərli kitablardan biri olan və istədiyin anda və istədyin yerdə açıb oxuya biləcəyin o kitabı daha tez-tez oxu, o kitabdan öyrənəcəklərini küçümsəmə və mütləq bunu bir vərdiş/rutin halına gətir. Kitabın Adı Nədir? Yazarı Kimdir?
ADI: Həyatın, öz təcrübələrin, uğurların, uğursuzluqların, ən stratejik manevrlərin, ağıllı qərarların, axmaq seçimlərin. Hərşeyinlə Həyatın!
YAZARI: Sən!

5. BİLMƏK, İCRAATDIR + YAŞAMAQDIR + NƏTİCƏLƏRDİR.
Oxuduğun kitabların, öyrəndiyin möhtəşəm ideyaların sayı ilə öyünmə. İşin, icraatın və nəticələrinlə öyün, bunlara fokuslaş, və bunları seç ölçü və meyar olaraq.

6. UŞAQ KİMİ DEYİL, SƏRKƏRDƏ KİMİ OL.
Uşaq kimi həvəslə (motivasya ilə) başlama, işləmə nə də bel bağlama həvəsə, motivasyaya, sərkərdə kimi STRATEGİYA ilə başla, işlə, və bucür də, davam et.

7. DİQQƏTLİ OL. XÜSUSİLƏ DƏ, ÖZÜNLƏ DANIŞARKƏN.
Ətrafdakı insanların sənin haqqında düşündükləri və dedikləri sənə təsir edəcək mənfi mənada, amma səni durduran, səni məğlubiyyətə düçar edən, təslimiyyət bayrağını qaldırmana səbəb olan SƏNİN ÖZÜN HAQQINDA DÜŞÜNDÜKLƏRİN, ÖZÜNƏ DEDİKLƏRİN OLACAQDIR, Özünlə və özün haqqında danışarkən, diqqətli ol. Çox Diqqətli!!!

8. PROBLEMLƏR MƏHV ETMƏK ÜÇÜN YOX, TƏLİM KEÇMƏK ÜÇÜN GƏLİRLƏR.
Yaşadığımız fəlakətlər, krizislər səni məhv etmək, nokaut etmək üçün deyil, getmək və olmaq istədiyin yerə hazırlamaq üçün gəldilər.

9. VAXTI DEYİL, DİQQƏTİNİ + ENERJİNİ İDARƏ ET.
ƏSLA! ƏSLA! ƏSLA! Vaxtımı idarə edəcəm demə, bunu etməyə çalışma. DİQQƏTİNİ + ENERJİNİ idarə et. Bunda ustalaşmağa çalış.

11. LAZIMSIZLARI AT. (MÜNTƏZƏM OLARAQ)
Həftədə bir dəfə desktop, iş masası, otaq və rəfdə təmizliklər edin. Mütləq nələrisə atın və qaydaya, səliqəyə salın. Bu daha çox hüzur, daha disiplinli zehin, daha şəffaf düşünmə gətirəcəkdir sizə.
Daha az önəmli unutqanlıqlarınız olacaq, daha az vaxt sərf edəcəksiniz materialların axtarışı üçün, daha yaxşı planlaşdıra biləcək, daha effektiv, sürətli və rahat olacaqsınız.

12.ÖZÜNDƏN ƏN AZI BİR VƏRDİŞİ/RUTİNİ AT.
Yeni ildə yeni bir biz arzulayırıqsa, bu ildə etdiklərimizin bir neçəsini artıq etməməliyik. Yeni BİZ üçün yeni biliklər, bacarılaq lazım olduğu kimi, köhnə bizdə olanların da tərk edilmiş olması şərtidr. Bilirsiniz bu qədim prinsipi: Sən Dəyişmədikcə Həyatında Dəyişməyəcək.

13. ÇOX OXUMAQ: BU TƏLƏYƏ DÜŞMƏ!
Çox oxumaq icraat olmadıqdan, test edilmədikdən, tədbiqata keçirilmədikdən sonra yaşadığımız fəlakətlərin ən əsas səbəbkarlarında biri olur asanlıqla.

14. İŞ MASANA SUSUZ OTURMA.
Kifayət qədər su içmədikdə bilirsiz beynin performansı düşür.

15. MƏNAYA VƏ DƏRİNLİYƏ FOKUSLAŞ.
Həyatının nə qədər sürətli, tempolu, məşğul keçməsi ilə deyil, nə qədər mənalı keçməsi ilə məmnun ol. Çör-çöp toplamağa deyil, inşa etməyə, yaratmağa, köklü dəyişikliklərə oyna.

16. PLANLARI SADƏCƏ ONLARI ETMƏK ÜÇÜN QURMA.
Plan qurarkən ilk hədəfin onları etmək, tamamlamaq, ikinci isə mütləq lazım olduğunda dəyişmək olsun. Mütləq nöqtəsinə, vergülünə qədər icra etmək üçün deyil, dəyişdirib, daha da, təkmilləşdirib icra etmək üçün qur planlarını.

17. RAHATLIQDAN, NARAHAT OL!
Ətrafdakı insanların çoxu səni təsdiqləyir, fikirlərinlə razılaşırsa, narahat ol. Səhf gedən nəisə var.

18. RƏDD ET VƏ ADDIMLA.
Kim olursa – olsun haqqında deyilən mənfi limitləyici ifadələri, sözləri, qənaətləri əsla qəbul etmə. O deyilən şeyi dünən etmiş olsan belə. RƏDD ET! Çünki, hər gün bircə addım digər yönə doğru atmaqla dəyişəcək və tam istədiyin kimi olacaqsan. Vazkeçmə + Tələsmə + Təslim Olma + Davam Et.

19. HƏRKƏSİN OXUDUĞU KİTABLAR TƏHLÜKƏLİDİR.
Oxuduğun kitabların hamısı ətrafındakı çoxluğun oxuduğu kitablardırsa bilki kitab seçimində səhflər edirsən. Mütləq səhfi tap və gərəkəni et.

20. TƏLXƏKLƏRI və PEŞƏKARLARI TANI.
Sosial medyanın uğurlularını (sahəsinin təlxəklərini) deyil, real uğurlu insanları dinlə + onlardan öyrən + düzgün alətlər, sistemlər, biliklərlə yaşa. Gələcəyinlə qumar oynama.

21. TƏSDİQ GÖZLƏMƏ. HƏM DƏ, HEÇKİMDƏN.
Bu gün özünə söz ver! Özünü bucür görəcək qəbul edəcək bucür inanacaqsan.
Hardan gəlirsənsə gəl, keçmişin nə olursa olsun , nə dərəcədə uğurlara imza atmış olursansa ol, Çox dəyərlisən, Sevgiyə Hörmətə Layiqsən, Bacararsan, Güclüsən, və bunların heç biri üçün kiminsə təsdiqləməsinə ehtiyyacın yoxdur..

 

İRADƏ GÜCÜ: Uşaq Kimi Həvəslə Yox, Sərkərdə Kimi Strategiya İlə.

İradə, İradə Gücü…

Bu koçinq proqramlarımda, vebinarlarda, və digər proqramlarımda iştirak edən sahibkarlar, idarəçilər, tələbələr, karyerasında irəliləmək isdəyən fərqli sahələrdən mütəxəssislərin çox böyük əksəriyyətinin “ah iradəm biraz daha güclü olsaydı, iradəli olsaydım, iradə gücümdən bir istifadə edə bilsəydim…” kimi şikayətlərlə, heyfslənmələrlə bunu bacarsalardı çox daha uğurlu olacaqlarını, hazırda qarşılarında duran və onlara əngəl olan problemlərin çoxdan öhdəsindən gələ biləcəklərini artıq çəki, siqaret, internetdə boş-boşuna vaxt itirmə və digər mənfi vərdişlərin həyat və karyeralarını təsir edə bilməyəcəklərini deyirlər.

Hər birimiz İRADƏ nə qədər önəmlidir, vacibdir, həyatıdır bunu bilirik. Amma, iradəmizi necə daha aktiv, daha güclü edəcəyimiz haqqında şablon, motivasya edici, yanaşmalardan o tərəfə keçən bildiyimiz bilgilər, metodlar, alətlər hardasa yoxdur.

Mən də, bu mövzuda çox maraqlıyam. İstər universitetdə ortalamanı artırmaq olsun, istər sahibkarlıq, öz işini başlamaq olsun, isdər davamlı idmanla məşğul olmaq, daha ağıllı pulunu xərcləmək, investisyalar etmək olsun, qidalanmasında daha diqqətli olub sağlam qidalanmaq, ofisdə daha məhsuldar , karyera yükslişində daha uğurlu olmaq olsun. Bütün bu sahələrdə daha güclü iradə önəmini daima gördüyümüz bir ehtiyyacımızdır.

Son zamanlar bu sahədə araşdırmalar etdim. İradə gücü ilə bağlı yazılan kitabların əksəriyyəti eyni motivasya verici deyimləri, yanaşmaları təkrarlamaqdan və fərqli təqdim etməkdən o tərəfə keçə bilmir. Bunun üçün, mən də, bu mövzunu daha dərin bir şəkildə araşdırmağa və öyrənməyə qərar verdim.

Çox faydalı biliglər öyrəndim, metodlar, alətlər, strategiyalar tapdım. Bunların çoxunu özüm bunlar haqqında yazmadan, danışmadan öncə öz həyatıma tədbiq etdim və nəticələr də aldım. Effektini öz həyatımda gördükdən sonra, bu bilgiləri maraqlı olan hərkəslə paylaşmağa qərar verdim.Bu yazı da, daxil olmaqla, növbəti yazılram sadəcə bu mövzu ətrafında olacaq bəlli bir müddət.
Yazılarda, İRADƏ niyə zəifləyir, necə zəfləyir və gücləndirmək üçün nə edə bilərik suallarının cavablarını paylaşacağam.

Bu yazıda paylaşacağım isə ən məşhur olan yanaşmalardandır. “Özünə inanan insan iradəsinə də, təsir edə bilər və gücləndirər” yanaşmasıdır. Bu yanaşmanın doğruluq payı var, lakin əksər hallarda işə yaramır və tamamilə CƏFƏNGİYYAT deyəcəyimiz bilgilər, inanclar, alətlər sırasına daxildir. Bunun üçün də bu yazıda ilk təklif edəcəyim budur: İradənizi Gücləndirmək isdəyirsinizsə ÖZGÜVƏNƏ, ÖZÜNƏ İNAMA inanmayın, arxalanmayın, etibar etməyin. Şübhəsiz özgüvən faydalıdır, amma yetərli deyil. Bir çox hallarda isə təhlükəlidir və təkrarlanan faciəvi məğlubiyyətlərimizin ən əsas, bir nömrəli səbəbkarıdır. Bilirəm bu, ümumi qəbul edilmiş yanaşmalara, hərgün eşitdiyimzi, oxuduğumuz bilgilərə ziddir, amma mən bunu növbəti yazılarda sübu edəcəyəm.

Bugün ilk addımı atırıq. Qərar veririk, bundan sonra, Uşaq Kimi Həvəslə Deyil, Sərkərdə Kimi Strategiyayla İşləyəcəyik. Yəni, bugündən qəbul edirik ki, sadəcə özgüvənlə olmur bu, daha ağıllı, daha stratejik, daha ayıq-sayıq olacaq və bucür hücum edəcəyik iradəmizi zəiflədən hərşeyə. Sadəcə özgüvənə, motivasya bel bağlayacaq qədər saf deyilik nə siz, nə də mən.

Bu qərarı verin bugün, bu yanaşmanı qəbul edin, inanmırısnızsa belə, bir test edin. Növbəti yazıda daha detallı, spesifik metodları paylaşacağam və bunları tədbiq etdikdə nəticəni siz özünüz də, görəcəksiniz.

Növbəi yazıya qədər, bu yanaşmanı mənimsədiyinizdən əmin olun ki, hazır olasınız və gecikməyəsiniz. Bu yüksəyə doğru çıxacağmız pilləkana atdığımız ilk addımımızdır.

Vər hər tək addım, ən azı digəri qədər önəmlidir.

Özünə İnamı Zəiflədən Amillər II

…Dəyişimə qarşı olan qorxularımız bizim edə biləcəklərimizə dair olan inamımızı zədələyir. Amma qorxudan nə qədər qaçsan, sənin gözündə bir o qədər böyüyəcək və bir yerdən sonra artıq ona qarşı gələ bilməyəcəyini düşünüb məğlubiyyəti qəbul edəcəksən. Bir dəfə məğlubiyyəti qəbul etməyin o andan sonrakı həyatında hər hansı önəmli işlərdə də bunu referans olaraq xatırlayacağın deməkdir.
Bu da zehnində daim var olacaq bir şübhənin toxumlarını əkməyin və artıq ətrafdakılar bir tərəfə, öz zehnindəki təkcə bu şübhənin sənin performansın üzərində sonu gəlməz öldürücü bir təsirinin olmasına icazə vermək deməkdir.
Daim xatırlanması lazım olan bir şey var, o da heç bir məğlubiyyətin və uğurun davamlı var olmayacağıdır. Hər şeyin son istifadə tarixi var. Bunun üçün də uğursuzluq deyə bir şey yoxdur əslində. O HALDA Kİ, SƏN UĞURSUZLUĞUNUN SƏBƏBLƏRİNİ ÖYRƏNİR VƏ BİR DAHA ONLARI TƏKRAR ETMİRSƏN, BU SƏNİN ÜÇÜN UĞURSUZLUQ YOX, ÇOX ƏHƏMİYYƏTLİ BİR İBRƏT DƏRSİ OLUR. Və bunun üçün üzülmək, gileylənmək yox, sadəcə dərs alıb, səhvlərini görüb, bir daha bunlara yol verməməklə yoluna daha düzgün bir şəkildə davam etmək lazımdır.
Əgər seçdiyin hədəf böyük və önəmli bir şeydirsə sən o hədəfə gedən yolda heç düşünmədiyin problemlər, krizlər, çətinliklərlə üzləşəcəksən. İlk cəhdində bunları həll edə bilməməyin özünə olan inamını zəiflədəcək amma heç vaxt ilk cəhdlə uğur qazanılmır, uğur ancaq sonuncu cəhddə qazanılır.

Yəni fərqi yoxdu neçə dəfə məğlubiyyət, uğursuzluq, cətinlik olursa-olsun, sən bunlara və deyilənlərə baxmayaraq hər yıxıldığında yenidən ayağa qalxıb yoluna davam edəcəksən və bu proses hər arzuolunmaz nəticədən sonra davam edəcək. Ta ki, sən istədiyini əldə edənə kimi. Bu da sənin sonuncu cəhdin olacaq ki, uğur da sonuncu cəhdlə əldə edilir.

Özünə İnamı Zəiflədən Amillər. I

Uşaqlıqdan başlayaraq  hər gün davam etməkdə olan mənfi  təlqinlər özümüzlə, edə biləcəklərimizlə bağlı əsassız şübhələrlə yaşamağımıza səbəb olur. Bu təlqinlər gerçək olmamaqla (adətən) yanaşı, bir çox istiqamətlərdən gələ bilir.

Dostlar bəzən özümüzə olan inamın zəifləməsinə səbə olurlar. Əldə etmək, olmaq istədiyin hər hansı bir hədəf haqqında dostlarla danışanda, əgər onlar həyatlarında bu günə kimi böyük uğurlara imza atmayıblarsa əlbəttə ki, sənə bunun mümkünsüzlüyünü deyəcəklər, hətta bununla kifayətlənməyib nəyə görə mümkün olmadığına dair müxtəlif səbəblər də sayacaqlar. Üstəlik sənə güləcəklər. Bu cür dostların varsa artıq başqa əngələ ehtiyac yoxdur. Onların sözləri, fikirləri sənin özün haqda şübhəyə düşmənə, inamını itirmənə səbəb olacaq kifayət qədər mənfi fikirlərlə zehnininin boğuşmasına gətirib çıxaracaq.  Elə bu an şübhələrin ilk toxumlarını bəsləməyə başlayacaqsan ki, bir dəfə bu cür bir şeyin düzgün olma ehtimalını düşünməyin bunun  davamlı olaraq sənin zehnini məşğul edəcəyi deməkdir. Əgər deyilənlərə  qulaq asmayıb yenə də, əldə etmək istədiyin  hədəfin üçün çalışmağa davam etsən və nə vaxtsa, nə isə alınmasa, çətinliklə üzləşsən və ya qısamüddətli uğursuzluqlarla üzləşsən o anda həmin ŞÜBHƏLƏR bu fürsətdən istifadə edib elə o an zehninin qapısını döyməyə başlayacaq və sən məmnuniyyətlə onları qəbul edəcəksən.  Nəticə uğursuz alınacaq. Sənin bu uğursuzluğun “dostlarını” cox sevindirəcək.

Özləri önəmli nailiyyətlərə imza atmamış insanlar başqalarının böyük uğurlar qazanmasını, onların imkansız dediklərini bacarmalarını istər-istəməz qısqanırlar.

Bu vəziyyətdə edilməsi lazım olan, çətinlikləri və müvəqqəti məğlubiyyəti qəbul etməyib, hədəfinə çatmağa mane olan nə varsa, onun həlli və istədiyinə çatmaq üçün nələr etmək və ya daha nələri etməmək lazımdır, oturub onları təyin etmək və şikayətlərə, dostların mənasız sözlərinə qulaq asmağa vaxt ayırmaqdansa, bu dəyərli vaxtı bunların üzərində işləməyə ayırmaq və nəticə əldə olunana qədər vaz keçməməkdir. Belə bir vəziyyətdə olub daha sonra vaz keçməyib sona qədər çalışıb işi nəticələndirdikdən sonra özünə inamın gecləndiyini və o andan sonra o cür sözlərə gülərək reaksiya verəcəyini görəcəksən.

Yeni bir HƏDƏFİ: indiyə kimi olmayan bi hədəfi əldə etmək üçün yeni qabiliyyətlərə, bacarıqlara yiyələnmək tələb olunur. Bu da bizim yaşamağa adət etdiyimiz “konfort sahəsi” ni tərk etməyimizi, yəni yeni məşğuliyyətlər, insanlar, qrumlarla məşğul\tanış olmağımızı tələb edir. İnsanın psixoloji olaraq konfort sahəsini tərk etməsi onun üçün  o konfort sahəsini tərk etmək xeyirli olsa belə çətin gəlir. Çünki illər boyu əldə edilmiş vərdişlərlə yaşamaq çox asandır, nəinki yenilik etmək və o cür davam etmək. Yenilik, dəyişiklik adətən cətin, acılı görünür, amma bir şey var ki, həmişə eyni şeyləri edib fərqli nəticə gözləmək Eynşteynin  dediyi kimi “axmaqlıqdır”.

davamı növbəti yazıda…

Planlarınız Arasına Bunu Yazmayın. (Əsla!)

Bu metod bizə adətən etməli olduğumuz bir çox iş olduğunda və bunların böyük hissəsini tamamlamaq və ya, nə vaxt edəcəyimizi planlaşdırmaq və zehnimizdə və günümüzdəki dağınıqlığı səliqəyə salmaq və zehni olaraq yüngülləşmək, fərahlamaq üçün qollarımızı çirmələyib işə başlamağa qərar verdiyimizdə lazım olur.
Nədir bu metod? Və o nədir ki, ƏSLA edəcəkləriniz listinə yazmayın deyirəm?
Buyurun oxuyun növbəti cümlədə izah olunandır o:

“İki (2) Dəqiqədən Daha Az Vaxt/ınızı Alacaq İşlər.”
Birbaşa keçək mətləbə:
Nə zaman ki, başladınız işləməyə qarşınıza çıxan işlərdə bir sualı daima soruşursunuz. Sual budur: “Bunu iki dəqiqədən daha az bir vaxt ərzində edə bilərəmmi?” Əgər cavabınız bəlidirsə o zaman o işi həmən edirsiniz. Hər nədirsə gecikdirmirsiniz, edəcəkləriniz listinə yazmırsınız, soraya saxlamırsınız. Dərhal edirsiniz.
Niyə?
Həzz və Enerjidən Məhrumiyyət.
Edəcəyəm deyə özümüzə vəya başqasına söz verdiyimiz bir işi (fərqi yoxdur nə qədər kiçik və ya böyük) edib bitirmənin yaşatdığı, insana verdiyi rahatlığı, enerjini bildiyinizdən əminəm. İndi düşünün, iki dəqiqədən daha az vaxt alacaq bir işi etməməməklə ilk olaraq özümüzü bu işin tamamlanmasından alacağımız yuxarıda haqqında danışdığım enerjidən, müsbət əhvaldan məhrum etmiş oluruq. Hansı ki, bu güclü hiss bizə lazımdır daha çox, daha cəld, daha uzun müddətli işləmək və icraatına başladığımız o planı tamamlamaq üçün.
Biti Dəvə Etmək.
İkincisi, zehni olaraq özümüzü biraz daha yükləmiş oluruq bunu gələcək bir zamana qərarlaşdırmaqla. Yəni, edəcəkərimiz listindəki işlərin sayını artırmış oluruq. Biti bir növ dəvə etmiş oluruq. Çünki edəcəklərimiz listindəki işlərin çoxluğu bizi zehni olaraq yorur. Bəzən biz onlara baxdıqda, oxuduqda, düşündükdə az-çox olan həvəsimiz də, sönükləşməyə başlayır.
İşdən Soyumaq.
İşləyirik amma ürəkaçan bir nəticə vəya nəticələr alma şansımız varkən bunlardan da, özümüzü məhrum edirik. Bu da, bəzən “İşləyirəm amma, boşuna işləyirəm” kimi iç deyinmələrə, donquldanmalara və əlimizn işdən soyumasına səbəb olmağa başlayır.
Daha Çox Enerji Sərfi. (Həm də, Boş Yerə)
Son olaraq isə, həm təcrübədə, həm elmi araşdırmalarda da, dəfələrlə təsdiqini tapmış bu maraqlı halı yaşayırıq. Bir işi edib-etməməklə bağlı oturub düşünmək üçün sərf olunan enerji, o işi etmək üçün tələb olunan enerjidən daha azdır. Bundan əlavə də, birinci etdikdə və bunu uzun müddət etdikdə sonda sadəcə yorğun olmursunuz, bütün əhvalınnız da, korlanmış olur. Özünüzün-özünüzdən xoşu gəlməməyə başlayır. Amma, ikincini etdikdə yorulursunuz amma sonda bu yorğunluğa baxmayaraq müsbət enerji sizi əhatələyir, işi bitirib, tamamlamış olmanın fərahlığını yaşayırsınız ən əsası isə özünüzü iş bitirən, intizamlı biri kimi görür və daha çox sevməyə başlayırsınız.
Zehni Əsarət. (Həm də bəsit şeylər tərəfindən)
Ən əsası isə, zehniniz bunlardan, bu işlərdən arındığından, daha önəmli məsələlər üzərində düşünmək üçün imkan və şərtlər ideallaşmış olurlar ki, bu da tək başına iki dəqiqədən daha az vaxt alacaq işləri həmən etmək üçün yetərli bir səbəbdir.

SEÇİMİN hansıdır: Çənədənsazlıq, yoxsa İCRAAT?

Hır birimizin ortaq problemidir bu hərhalda.
Hər birimizin hədəfləri reallaşdırmaq istədikləri var. Biz bu həddəflərə çatmaq istəyimiz, araşdırmalarımız, bunun üçün sərf etdiyimiz saatlar və digər mövzular haqqında davamlı söhbətdəyik yaxınlar, dostlar tanışlarımızla.

Bundan əlavə də, davamlı olaraq axtarırırq, öyrənirik, tapmağa çalışırıq bizi hədəflərimizə paracaq ən güclü , effektli metodu, bilgini sirri və ya aləti.
Davamlı araşdırmaq, öyrənmək sahəsindəki və əlaqəli sahələrdəki yeniliklərdən xəbərdar olmaq əlbətdə ki, olmazsa-olmaz şərtlərdən, həta minimum standartlardandır deyə bilərik rahatlıqla.

Amma, burda bir problem də var ki mütləq diqqətimizi yönləndirməli və bundan xəbərdarolmalıyıq . Çünki bunu etəmsək, bu problemə qarşı ayıq-sayıq olmasaq davamlı olaraq bizim yerimizdə saymamıza səbəb olacaqdır bu. Bu problem öyrəndiyi heç bir bilgi metod, alət ilə kifayətlənməməkdir.

Öyrəndiklərimizin heç birindən istifadə etmədən, onları test etmədən, yoxlamadan başqa bilgilər və metodların axtarışına başlayırıq. Bu da bizim öyrəndiklərimiz üszərində hərəktə keçməmək və davamlı olaraq yaxşı, amma lazımsız işlər üzərində işləməklə çox mənfi bir vərdiş formalaşdırmış oluruq. Bu da öyrənmək, kifayətlənməmək (test etmədən, tədbiq etmdədən həyatına) və yenilərini öyrənməyə davam etməkdir.

Bu prosesin nəticəsində biz çox şey öyrənə bilərik. Hardasa söhbət açılanda çox danışa bilərik çox məlumatlı olduğumuzdan. Hətta bununla qürurlana da bilərik. Amma çox məlumatlı olmağın artıq heç bir dəyəri yoxdur. Önəmli olan NƏTİCƏLƏRDİR.

İndi deyə bilərsiniz ki, bəs nə edək?

Bu suala ən düzgün, dolğun cavabı verəcək insan mən deyiləm, amma öz təcrübəmdən həmçinin tanıdığım bir çox insan təcrübəsindən əsaslanaraq işə yaramış (dəfələrlə) bir metodu sizinlə paylaşacağam.

1. Yenə öyrənməyə davam edin, axtarışınız davam etsin. Amma, eyni zamanda da, oturub üşünün hazırkı hədəfinizi reallaşdırmaq üçün sizə faydası olacaq hansı metodları, alətləri bilgiləri bilirsiniz.

2. Bundan sonra isə onların içərisindən birini seçin və başlayın onun üzərində işləyəmə.

3. Belə bir qaydanız da olsun: yeni metodu etmədiyiniz günlərdə yeni bilgiləri öyrənmə, axtarma, internetdə yeni qarşınıza çıxan və sirrli metodlar öyrədəcəyini və həyatınızı dəiyşəcəyini vəd edən bütün proqramlara qarşı laqeyd qalın və nə varsa bildiyiniz və effekdli metod onun üzərində işləməyə davam edin.

Burda seçim edirsiniz əslində, BOŞBOĞAZLAR və ÇƏNƏDƏNSAZLAR klubunamı, yoxsa QALİBLƏR və ULTURA UĞURLULAR klubunamı üzv olma istiqamətində irəliləmə seçimi.

Yəqin indi, anladınız Boşboğaz və Çənədənsaz İnsanlar niyə UĞURLU OLMURLAR?

Niyə netsiz və sosial media hesablarsız (tel-də) yaşayıram 3.

Öncəki yazıda vaxt mövzusuna toxunmuşdum.

Bu yazıda isə daha da önəmli olandan yazıram – DİQQƏTİMİZDƏN.
Uğurlu olmağımızda, dəyişməyimizdə diqqətimizin nə qədər ciddi əhəmiyyəti var bilirsiniz.

Yəni güclü diqqət olmadan diqqət tələb edən işlərdə nəaliyyət qazanmaq da, çox çətindir. Diqqətdən burda nəzərdə tutduğum bir iş üzərində uzun müddətli fokuslaşmış olaraq işləyə bilməkdir kənar sensasional mesajlar ignore edərəkdən.
İlk olaraq bunu deyim, əgər telefonda bu sosial media hesabları varsa, diqqətimizin yayınması, zamanla da, fokuslaşa və konsantrasya ola bilmə qabiliyyətimizin cılızlaşması üçün möhtəşəm bir şərait var deməkdir.
Necəmi? Bu nə deməkdir?
1. Hərhansı bir səbəbdən bizə maraqlı görsənən hər post – yazı, video, şəkil – diqqətimizi çəkir və onunla məğul olmağa başlayırıq o andan etibarən.
Yəni hansı işə fokuslaşmışdıqsa, nə ilə məşğul idiksə ondan zehni olaraq qopmuş oluruq. Və yaxud da, zehni olaraq özümüzü tam o işə verə bilmirik və bu da performansımıza ciddi təsir edir (mənfi mənada). Uzun zaman öncə hazırladığım bu videoda https://www.youtube.com/watch?v=w9IBZPfKWNU da, izah etdiyim kimi, fokuslaşa və işi tamamlama gücümüz zəifləyir. Daha da, aydınlaşdırmağa çalışsaq belə izah etmək olar hərhalda bir aya bitirəcəyimiz işi 2,3 və ya daha uzun bir müddət ərzində bitiririk. Hətta bəzi hallarda bitirmirik. Yəni iş çox uzandığından, ya bezib yarıda buraxırıq, vəya artıq tamamlaya bilməyəcəyimizə qənaət gətirib vazkeçirik. Bu həm də, davamlı olaraq “vaxtımızı deyil diqqətimizi idarə etməliyik” deyə təbliğ etdiyim yanaşmanın səbəblərindəndir. Hazırda idarə etməkdə ən çox çətinlik şəkəcəyimiz şeylərdən biri məhz budur. Diqqətimizi İdarə Etmək. Çünki bizim diqqətimizi satmaq istədikləri məhsul və xidmətlərə çəkmək üçün korporasiyaların ciddi məbləğdə maaş ödədikləri, bizim psixologiyamızı bizdən daha yaxşı bilən diqqət mühəndisləri oturub hər gün saatlarca işləyirlər. Bu hərhalda izah edir bu mövzunun ciddiyətini. Diqqətinizin nə qədər önəmli olduğunu anlamaq üçün aşağıdakı 4 sətrlik yazını oxuyun və düşünün və qərar verin.
Üzərində işlədiyimiz iş nə qədər önəmlidirsə, bu (adətən) o qədər çətindir deməkdir. Və çox çətin olması bizdən digər işlərdən fərqli bir yanaşma ilə bu iş üzərində işləməyimizi tələb edir. Yəni biz diqqətimiz yayınmamış, eyni anda bir neçə işlə məşğul ikən deyil, hərşeydən qopmuş və tamamilə bu işə fokuslaşmış halda işləyəriksə əla nəticələr ala bilərik.
2. Digər önəmli səbəb də, yaranmış boş vaxt bloklarıdır. Necə olur bu? Sürprizlər səbəbindən yaranmış boş vaxtlar olur hər günümüzdə və biz bu boş vaxtlarda hansısa önəmli bir iş üzərinə düşünmə şansımız varkən, zehnimizdə nə vaxtdır dolaşan suala cavab düşünmə imkanımız varkən, bu vaxtı sərf edirik telefonumuza. Yəni dərhal baxırıq ki, YENİ nə var. Və maraqli bir post görürük, bəzən ordan hansısa linkə “KLİK” etməmiz istənilir və edirik, ordan başqa bir sayta yönləndirilirik və bu davam edir. Bu proses bizə əyləncəli gəlir bunda şübhə yoxdur. Amma nə qədər faydalıdır bu bizim üçün. Bundan da, önəmli olan sual budur, bucür davamlı olaraq fərqli yerlərə yönlənən diqqətimiz, əzələləri zəifləir yəni artıq gücü qalmır uzun müddətli sadəcə bir yerə yönəlmiş halda qalmağa. Bu isə bizə şəxsi və professional həyatımızda sıçrayış yaşadacaq bacarıqları öyrənmək, bunlarda ustalaşmaq şansımızı minimuma endirir.
3. Bu bizdə bugün yaşadığımız ölkə və cəmiyyətdən asılı olmayaraq hər birimizin ortaq problemi olan o karyerə məhvedicisi, şəxsi və professional həyatda yüksəlişimizin önündəki ən ciddi modern əngəllərdən, vərdişlərdən birinin formalaşmasına səbəb olur, münbit şərait yaradır və bu vərdişin kök salıb daha da güclənməsinə səbəb olur. Bu virusun/vərdişin adı “Bir İş (Önəmli+Çətin) Üzərində Uzun Müddətli və Fokuslaşmış Halda İşləyə Bilməməkdir.”

Qısaca bunlar mənim əsas səbəblərimdir telefonumdan bu sosial media hesablarımı silmıəyimin, internet ən az olan paketə keçməyimin.
Əlbətdə ki, bu ən ideal, ən doğru seçimdir demirəm. Hər kəsin hədəfləri, öhdəlikləri fərqlidir və bunun üçün də seçimi də buna uyğun olmalıdır. Hətta düşünürəm ki, insan həyatın fərqlı zamanlarında fərqli strategiyalar izləməlidir. Yəni bəzən mənim hazırda özüm üçün seçdiyimi bəzənsə fərqli biraz bunun əksi olacaq bir yanaşmanı. Bu da, hər ilin, hər rübündə (bəzən də, ayında) üzərinə işlədiyimiz layihələri nəzərə alaraq təyin olumalıdır. Amma, mən hərhalda çooooox uzun bir müddət (bəlkə də bir daha heç vaxt) telefonuma təkrar yükləməyəcəyəm bu sosial media hesablarımı.
Siz də, düşünün + dürüstcə dəyərləndirin + analiz edin və qərar verin ən faydalı olan sizin üçün hansıdır və bundan sonra da seçiminizi edib uyğun olaraq da hərəkətə keçin.

EDƏCƏKLƏRİMİZ:
1. Özümüzü analiz edirik. Bu sosial media hesablarımızı istifadə edərkən və anidən sual soruşuruq: Hazırda niyə bu hesabımdayam? Burdan nəyi oxuyuram, dinləyirəm və niyə?
2. Hərhansı səbəbdən gözləməli olduğumda (marşurut, növbə, kiminləsə görüşdən öncə) bu anlarda telefonlamı məşğul oluram yoxsa hansısa bir iş üzərində düşünürəm, yoxsa sadəcə oturub istirahət edirəm?
3. Yuxarıdakı iki suala cavablarımıza əsasən qərar veririk nələr etməliyik bundan sonra, həmçinin nələri artıq etməməliyik? Və ən əsası hərəkətə keçirik həmən.

Niyə netsiz və sosial media hesablarsız yaşayıram 2.

İlk bunu deyim ki, bu tərz yaşamaq çox xoşuma gəldi, çox bəyəndim.

Amma, bu asan deyil, hələ ilk günlər çox narahatedicidir. Çünki bir anda, sizə yenilik, maraq, həyacan verən telefonunuz yorucu bir alətə çevrilir. Çünki artıq heç bir sosial media hesabınızdakı aktivliyi sizi xəbər verən o adrenalın püskürdən səsləri eşitmirsiniz.
Bir aylıq təcrübəni bir yazıda tamamilə detalları ilə anlatmaq çətindir, amma, ən önəmli bildiklərimi qısaca anlatmağa çalışacağam.Başlayaq…
Növbədə gözləyərkən,
Evdə yorğun olduğunuzda, əhvalınızın yaxşı olmadığı anlarda, heç bir işlə məşğul olmadığımızda.Hərhansısa bir səbəbdən boş vaxt yarandığında və heçbir işlə məşğul olmadığımızda.
Metro və ya avtobusda yol gedərkən və bənzər vəziyyətlərdə etdiyimiz, yeni normalımız olmuş,  diqqətimizi və vaxtımızı bizi əyləndirərək tükədən bir məşğuliyyətimiz var.

Yəni…
Bu hallarda edə biləcəyimiz ən əyləncəli, maraqlı, həyacanlı şey telefonumuzu alıb onunla dünyaya bağlanmaqdır. Yəni sosial media hesablarımız yoxlamaq və bizə vaxtın necə keçdiyini unutduracaq yeni postlar, şəkillər, videolar və fərqli xəbərlərlə zehnimizi əyləndiməkdir.
İndi kobud bir hesajblama edin sırf bu məşğuliyyətlərə gündə neçə dəqiqə vaxt ayırırsınız və hesablayın bu bir ayda nə qədər vaxtınızı alır. Biz hesablamımızı ana görə edirik. Yəni misal üçün növbədə gözləyərkən 5-10dq, hər gün qatarda, avtobusda 30-40dq dəqiqə bu məşğuliyyətlərə sərf etmək çox da böyük bir hesab kimi görsənmir bizə. Bunu indi bir də bir ayla hesablayın, daha sonra 12 ayla, daha sonra çox yox sadəcə 5 ilLLƏ.

İndi isə öyrənməyi ən çox istədiyiniz, ustalaşmaq mütəxəssisi olmaq isdədiyiniz o sahədə artıq özünü təsdiqləmiş insanların o səviyyəyə gəlmək üçün nə qədər vaxt sərf etdikülərini öyrənin. Bundan sonra görəcəksiniz ki, siz vaxtınız azdır deyə deyil, diqqətinizi başqa yerlərə yönləndirmisiniz deyə irəliləyiş edə bilmirsiniz. Müsbət bir dəyişiklik müşahidə edə bilmirsiniz həyattınızda. (bu həmdə o demək də, deyil ki, bu insanlar heçbiri bu yeniliklərdən istifadə etmirlər. Önəmli olan necə və niyə istifadə etdikləri və nə qədər istifadə etdikləridir)
Son bir hesablama daha edin, əgər bucür davam etsəniz 5 il sonra bu sosial media hesablarınız sizə nələr verəcək? Yəni necə bir professional və şəxsi həyat?
Dəyişib bunun tam əksi bir tərzdə davam etsəniz və zehninizi davamlı olaraq ən önəmli işlərinizlə məşğul etsəniz və o hədəfləriniz üzərində çalışşsanız 5 il sonra necə fərqli olacaq həyatınız professional və şəxsi olaraq?

Öncəki yazıda da, vurğuladığım kimi bir daha demək istəyirəm ki, mən bununbla hərkəs telefonundan sosial media hesablarını silməli, evdə WiFi-ı bağlatdırmalıdır yoxsa uğurlu olmayacaq demirəm. Bu hər kəsin işi və gələcək planları ilə birbaşa əlaqəlidir. VƏ bunun üçün də siz də, necə bu hesabları işlədəciyinizlə bağlı qəarı özünüz dürüst və səmimi sorğulama və analizdən sonra verəcəksiniz.

Növbəti yazıda bu sosial media hesablarımızın və asanlıqla internetə çıxışımız olmasının profesiional inkişafımız baxımından nə qədər zərərli olduğunu daha dərin incələyəcəyik. Növbəti yazı xüsusilə o insanlar üçün maraqlı və faydalı olacaq ki, onlaırn hədəfləri onlardan ciddi fokuslaşma, dərin konsantrasya tələb edir. VƏ onlar NADİR olmağı hədəfləyiblər, hərkəs kimi deyil. Bunu da, digərlərindən üstün olmaq üçün deyil, bunu bacaracaqlarına inandıqları üçün.

EDƏCƏKLƏRİMİZ:

  1. Təxmini hesablayırıq gündə nə qədər vaxtımızı sərf edirik  telefonumuzda sosial media hesablarımızı yoxlamağa?
  2. Bu məşğuliyyət bizə nələr verir nə qədər faydalıdır professional və şəxsi həyatımız baxımından?
  3. Nə etməyə qərar veriririk və bundan sonra necə istifadə edəəcəyik bu hesabalrımızı, telefonumuzda yenə saxlayacağıqmı, saxlayacağıqsa maksimum neçə dəqiqə ayıracağıq hər gün və ən əsası bu müddət ərzində nə edəcəyik?

Niyə facebook, linkedin, hangout, messenger və internetsiz yaşayıram?

Etiraf edim, çətin idi bu qərarı vermək.
Çünki bunu hərkəsə deyəcəkdim və düşünürdüm ki, bu sözümdə çığallıq etsəm heç yaxşı olmayacaq.
Başlayacağamsa davam etməli və uğurla tamamlamalıyam bu prosesi.
Bu nə idi? Aşağıdakı üç maddəlik  (özümə)  bir meydanoxuma. (CHALLENGE)
1. Evdə bir ay WiFi bağlatdıracaqdım. Çıxacaqdım abunəlikdən.
2. Telefonumda da, sadəcə nəqliyyatı izləməyə yetəcək qədər olan ən az internet paketinə keçəcəkdim.
3. Telefonumdan facebook, twitter, face-messenger, hangout, linkedin-i siləcəkdim.
Bünün niyə çətin gəldiyini, edim-etməyim deyə düşünməyimin səbəbini əminəm ki, təxmin edə bilirsiniz.
Təsəvvür edə bilirsiniz çünki, telefonda bir anda gələn bütün rəylər, ismarıclar, digər hər cür bildirimlərin səsi kəsilir və telefonunuz bir anda fərqliləşir. Artıq hər əlinizə alıb baxdığınızda sizə mütləq bir neçə YENİLİK təqdim edə bilmir. Yeni nə isə görə, dinləyə, izləyə biləcəyiniz sizə saniyəlik adrenalin yaşadan bir cihaz deyil, o özəllikləri yoxdur artıq vəya belə deyək əlindən alınıbdır.

Necə olur bu halda, beyniniz bir növ diksinir sanki bugünə kimi onsuz heç bir yerə gedə bilmədiyiniz həyacan, yenilik, maraq mənbəyiniz telefonunuzdan.
Bir neçə saniyəlik düşünün, hiss edin necə olur reaksiyanız telefonunuzda o səs gəldiyində. Hansı ki, duyduğunuz anda bilirsiniz ki, bu hesablarınızın birindən, kimsə sizə və yaxud da, sizin üçün nə isə yazdı. Rekasiyanız nə və necə olur o anda?
O səsi eşidəndə nə edirsiniz? O an hansı qərarı verir, nələr düşünürsünüz?
1. Deyirsinizmi ki, 3-4-5 saat sonra baxaram kimdəndir və nədir?
2. Yoxsa, heç önəmsəmirsiniz və başınızı salıb işinizə davam edirsiniz heç nə olmamış kimi?
3. Bəlkə iclasdasınız və səs deyil TİTRƏŞİMİ hiss edirsiniz, səbrinizə nə olur, zehniniz necə hərəkətə gəlir?
4. İştirak etdiyiniz toplantıda deyilənlərin neçə faizini eşidə bilirsiniz?
5. Ofisdə çətin bir problem üzərində otaqda təkbaşınıza oturub işləyirsiniz və artıq həllə yaxınlaşdığınızı, sona çatdığınızı hiss edirsiniz yorğun olsanızda həyacanlızınız və həll etmədən qalxmaq niyyətiniz yoxdur masadan. Amma bir anda o səs gəlir və diqqətiniz anasını gördüyü anda ona qaçan körpə kimi, o səsə qaçır və zehniniz artıq həllə yaxınlaşdığınız o işdən qopdu. Təbriklər!
6. İndi yenidən tam da o intensivlikdəki bir fokuslaşma və yoqilərə bənzər konsantrasya ilə problem üzərində necə işləyəcksiniz və ya da bu səviyyə gəlmək üçün indi neçə dəqiqə sərf etməlisiniz?
7. Marşurutda, metroda gedirsiniz, çox sıxlıqdı zorla bir əlinizlə bir yerdən tutmusunuz və birdən dııınnnnn eşidirsiniz telefonunuzdan və bu messengerin səsidir.
Nə edirsiniz? Daha sonra rahat baxaram deyirsiniz, yoxsa elastikliyinizi maksimum səviyyədə işə salıb, o sıxlıqda bir yolunu tapıb, əlinizi yaxınlaşdırırsınız telefona biraz gimnastik əyilmələrdən sonra qovuşa bilirsiniz telefona. Baxırsınız, oxuyursunuz nə gəlibdir və artıq bildiniz nədir. Nə olur sonra? Dəriiiiin bir nəfəs alırsınız….oooohhh deyir və rahatlayır bir növ beyniniz…
Bəs özünüzü idarə etməyə çalışdığınızda, baxmayacam gələn hər nədirsə deyə ciddi qərar verdiyinizdə nələr olur?
Sanki deyinmə üzrə rekordlar kitabına düşmüş QAYNANA oturub zehninizin içərisində və sadalamağa başlayır səbəbləri hansılara görə ki, siz mütləq yoxlamalısınız kim yazdı, nə yazdı…
Baxmadıqca sakitləşmir və deyinməyə, donquldanmağa davam edir.
Tamam deyək ki, baxırsınız və bilirsiniz nə yazıb, kim yazıb. Cavab verirsiniz, həmən və ya da biraz daha sonra qarşı tərəfdən/tərəflərdən cavablar gəlir.
Sonra nə olur?
Aha, məndə bunu deyəcəkdim – Növbə sizdədir və cavablandırırsınız, müzakirə qızışır və siz bir müddət sonra əslində o hesabınızda olmasanız belə, başqa işlə məşğul olur olsanız belə diqqətinizin bir hissəsi o söhbətdə, müzakirədə qalır…
Biz dinləməyi belə doğru-düzgün bacarmırıq real ünsiyyətdə, yəni bilirsiniz qarşı tərəfi tam anlamağa çalışmaqdansa, nə cavab verəcəyimizə hazırlaşırıq onu dinləyir kimi görsənməyimizə baxmayaraq. Bu effekt, bu EQO MƏRKƏZLİ zəif yönümüz özünü burada da, göstərir. Yəni diqqətimiz iki arada, bir dərədə qalır deyə bilməyəcəyəm. Daha da, çox şaxələnir, yayılır, və nəticə olaraq ən önəmli işimizə, ən kritik bacarığımızı, kontrolumuzda olan ən güclü resursumuzu yönləndirə bilmirik. Və aldığımız nəticələr də daima buna paralel olur. Kobudca rhesablamağa çalışsaq aşağıdakı kimi olur:
Ən önəmli iş üzərinə ayrılan, yönləndirilən diqqətin keyfiyyəti + intensivliyi + müddəti = əldə olunan nəticə.
İndi isə, uzatmadan bir sual soruşacağam:
Sizcə diqqətinizi bu qədər dağıtmış olduğunuz halda, hansı önəmli işin əla bir formada üzərində işləyə bilərsiniz?
Nə qədər orda və o işlə ola bilərsiniz?
Ən əsası bu cür bir diqqətdən, fokusdan, nə dərəcə – dərin, intensiv, uzunmüddətli – bir performans gözləyə bilərsiniz?
Bəlkə də sualı belə ünvanlamalıyam:
1. Nə qədər ədalətlidir bu cür öhdəlikləri olan diqqətdən ELİT PERFORMANS gözləmək, istəmək, arzulamaq?
2. Bu miqdar və keyfiyyətdə bir FOKUSLAŞMA nəticəsində aldığın nəticələri potensialının azlığınıa, yetərsizliyinə bağlamaq, bununla əlaqələndirmək və nəticə olaraq da, VİZYONUNU, xəyallarını aşındıra-aşındıra CÜCƏLƏŞDİRMƏYİ, özünə xəyanətdən başqa necə adlandırmaq olar?
Özünüz özünüzdən soruşun və özünüzə də cavab verin. (dürüstcə)
İndi bu sualları cavablandırın və qərar verin nə qədər lazımdır sizə telefonunuzda o hesablarınızın olması? Onlar olmasa çoxmu şey itirəcəksiniz? Hədəfləriniz, xəyallarınız bu hesablarınızdan gələn səslərin insafına buraxılacaq qədər dəyərsizdirlərmi bəyəm?İndi siz bu analizləri edin, və növbəti yazıda mən təcrübə etdiklərimi, bu bir aylıq prosesi, detallı  paylaşacağam sizinlə.
P.S. Əsla hərkəs bucür etməldiri demirəm. Nə də, internet və sosial media hesabları işlətmək laızmsızdır da demirəm sadəcə mən bunu etdim özüm üçün, və paylaşıram təcrübəmi sizinlə. Siz də, dürüsttcə analiz edib qərar verəcəksiniz nəyi, necə və nə qədər istifadə edəcəyinizə.